ontv東網

上圍升Cup!張名雅谷到盡性感回歸

27/10/2017

前港姐冠軍張名雅半年多前誕下兒子Mario,現時她湊仔、拍劇兩邊忙。成功收身至選港姐時的她,狀態甚Fit現時90多磅,身材保持33-23-34之餘,上圍更升Cup!

日前,張名雅就為產後紮肚收身中心擔任代言人,更性感谷胸、露纖腰及玉背上陣拍攝了一輯代言照。接受訪問時,講到產後首次性感示人,她坦言:「都性感,但平時出活動都有着呢啲Tube dress,初時接呢個廣告時,都有諗使唔使着三點式,不過最後都唔駛。」說到湊仔生活,她謂:「依家湊B都好開心,但自己都有拍劇,唔放心交晒畀工人湊,好在媽咪同奶奶都好支持我,自己可以安心工作,依家都排緊台慶夜的表演項目。」

英國拍拖拖

問到老公會否支持她多點出外工作,名雅謂:「我大肚時都有同老公討論過,佢當然話辛苦你就唔好做,喺屋企好好照顧BB,唔使擔心,我會照顧你哋,我都好開心,但自己咁開心,有番自己嘅事業會開心啲,而家自己攞個平衡,都可以應付到,都係多得老公同屋企人支持。」名雅與老公個多月前帶同囝囝到英國旅行,初時坐長途機都有點兒擔心,幸而名雅餵人奶,囝囝一扭計,她就可以即時安撫她,而去到英國,因為老公的家人在那邊,故都有「二人時間」去拍拖。

說到女人產後變化大,名雅坦言自己大肚時,只肥了十多磅,但因為產後荷爾蒙影響,以前的褲全都不合身,她謂:「原來生完荷爾蒙變化好大,因為生完啲骨係會軟咗,有啲媽咪會盤骨痛或者有媽媽手,我生完兩、三個星期就開始做紮肚療程同按摩去肚風,好快就收番個盤骨同肚腩。」

© 2019 by NewBorn MAMA